30-may kuni Toshkent davlat iqtisodiyot universiteti sport majmuasida “Universiada” sport musobaqalarining final bosqichi g‘olib va sovrindori bo‘lgan talabalarni taqdirlash marosimi bo‘lib o‘tdi.

Unda O‘zbekiston Respublikasi Bosh vaziri o‘rinbosari Zulayho Mahkamova, Oliy ta’lim, fan va innovatsiyalar vaziri Qo‘ng‘irotboy Sharipov, Sport vaziri Adham Ikromov, Milliy paralimpiya qo‘mitasi raisi Muxtorxon Toshxo‘jayev hamda O‘zbekiston Milliy Olimpiya qo‘mitasi bosh kotibi Oybek Qosimov, hamkor vazirlik, idora va tashkilotlar vakillari, oliy ta’lim muassasalari rektorlari, talabalar va jamoatchilik vakillari ishtirok etdi.

“Davlatimiz rahbari tomonidan ilgari surilgan “Odamlarni dori bilan emas, jismoniy faollik bilan davolash kerak” degan tamoyil “Universiada” sport musobaqalarida ham o‘z ifodasini topdi.” — dedi vazir Q.Sharipov o‘z nutqida.

Musobaqalar 17 ta sport turi bo‘yicha o‘tkazildi. Hududiy bosqichlarda 43 470 nafar, final bosqichlarda esa 3 052 nafar talaba, shundan 1 027 nafari qizlar ishtirok etdi.

Yakunda umumjamoa hisobida
🥇-o‘rin – Toshkent viloyati jamoasiga,
🥈-o‘rin – Buxoro viloyati jamoasiga,
🥉-o‘rin – Toshkent shahri jamoasiga nasib etdi.

G‘olib jamoalar tantanali marosimda “Prezident sovg‘asi” bilan taqdirlandi (https://gov.uz/oz/edu/news/view/57950).