O‘zbekiston Respublikasi Prezidentining 2024-yil 16-oktyabrdagi “Kasbiy ta’limda malakali kadrlar tayyorlash tizimini yanada takomillashtirish va xalqaro ta’lim dasturlarini joriy qilish chora-tadbirlari to‘g‘risida”gi PF-158-son Farmoni asosan Buxoro avtomobil va yo‘llar texnikumi hamda Buxoro arxitektura va qurilish texnikumi negizida Buxoro transport va qurilish texnologiyalari texnikumi tashkil etildi.

Joriy yilning 17-mart kuni Buxoro viloyati oliy ta’lim fan va innovatsiyalar boshqarmasi boshlig’i Azamat Naimov tomonidan Buxoro avtomobil va yo‘llar texnikumi direktori lavozimida faoliyat yuritib kelgan Sodiqov Nodir Tolibovich hamda Buxoro arxitektura va qurilish texnikumi direktori lavozimida faoliyat yuritib kelayotgan Bobojonov Xasan Karimovichlarga ko’p yillik samarali faoliyati professional ta’lim tizimida, yoshlarni kasb-hunar sirlarini puxta egallashlarida munosib hissasini qo’shganligi uchun alohida e’tirof etildi.

Eslatib o’tamiz, Sodiqov Nodir Tolibovich hamda Bobojonov Xasan Karimovichlar boshqa ishga o’tganligi munosabati bilan tuzilgan mehnat shartnomasi bekor qilingan.