Joriy yilning 24-yanvar kuni soat 09:00da Buxoro davlat universitetida “Malakali kadrlar tayyorlash va kasbiy taʼlimga xalqaro taʼlim dasturlarini joriy etish” mavzusida forum tashkil etiladi.

Germaniyaning “AVESTOS” GmbH kompaniyasi bilan hamkorlikda tashkil etilayotgan forumda, ish beruvchi korxona va tashkilotlar rahbarlari, nemis va xalqaro standartlar bo’yicha kasbiy taʼlim tizimi oʻqituvchilarining malakasini oshirish hamda Germaniyada malaka oshirish borasida taqdimotlar qilinib, tadbirkorlar bilan fikr almashilishi reja qilingan.

Forumda Germaniyaning “AVESTOS” GmbH kompaniyasi rahbari, Oliy taʼlim, fan va innovatsiyalar vazirligi rahbariyati, xorijiy ekspertlar va hamkor tashkilotlar vakillari, ish beruvchi korxona, tashkilot hamda kasbiy ta’lim tashkilotlari rahbarlari ishtirok etadilar.

O’z korxonasi uchun malakali mutaxassislarni jalb qilish istagida bo’lgan hamda Buxoro viloyatidagi kasbiy ta’lim tashkilotlari bilan hamkorlik qilish uchun barcha ish beruvchi korxona va tashkilotlarni forumga taklif qilamiz.

📍MANZIL: Buxoro shahri, M.Iqbol koʻchasi, 11-uy, Buxoro davlat universiteti binosi katta majlislar zali.

💾 Forum dasturini yuklab olish (https://docs.google.com/document/d/1YubfP4bHx4ihmDeJKZEyNTcGPom4j7653uVeQ7JuL3E/edit?hl=ru&tab=t.0)

☎️ MUROJAAT UCHUN: +998 94 207 09 00