Buxoro davlat pedagogika instituti Jismoniy madaniyat fakultetida “Dolzarb 90 kunlik” loyihasi doirasida amalga oshirilayotgan ishlar haqida.
Buxoro davlat pedagogika instituti Jismoniy madaniyat fakultetida “Dolzarb 90 kunlik” loyihasi doirasida talabalar hamda mahalladagi yoshlar uchun qulay shart-sharoitlar yaratish, ularning jismoniy tarbiya va sport bilan muntazam shug‘ullanishini ta’minlash maqsadida qator amaliy ishlar olib borilmoqda.
☄️ Yaqinda fakultetda amalga oshirilayotgan infratuzilmaviy o‘zgarishlar bilan tanishish, mavjud sharoitlarni o‘rganish va baholash maqsadida mutasaddi rahbarlar ishtirokida navbatdagi ko‘rik o‘tkazildi. Obyektlar qatorida futbol, voleybol, basketbol kabi sport turlariga mo‘ljallangan maydonchalar ham mavjud bo‘lib, ular zamonaviy standartlar asosida barpo etilmoqda. Barcha sport inshootlari talabalar uchun ochiq va qulay bo‘lishi, jismoniy faollikni oshirish hamda sog‘lom turmush tarzini keng targ‘ib qilishga xizmat qilishi ko‘zda tutilgan.
