Forumda 200 dan ortiq ish beruvchi korxonalar  jalb qilinib, professional taʼlim muassasalari integratsiyasini taʼminlash, dual taʼlimning ish beruvchi va korxonalar uchun manfaatli jihatlari hamda xorijiy tajribalarni yurtimizda joriy qilish borasida taqdimotlar qilinib, tadbirkorlar bilan fikr almashinildi.

Shuningdek Professional ta’limni rivojlantirish instituti direktori Z.Xudayberdiyev, Oliy ta’lim, fan innovatsiyalar vazirligining Professional ta’lim tizimini rivojlantirish departamenti xodimi F.Azimov, Germaniya xalqaro hamkorlik tashkiloti (GIZ) “TexVET” loyihasi maslahatchisi N.Grekova hamda Savdo-sanoat palatasi Buxoro viloyati hududiy boshqarmasidan tashrif buyurganlar o‘z taqdimotlari bilan ishtirok etib forum ishtirokchilarini qiziqtirgan savollariga javob berdilar.

Forumda viloyatdagi professional ta’lim muassasalari bilan dual ta’limni tashkil etishdagi hamkorliklari uchun “Buxara Real Moto”, “O‘ktamjon Miraziz Shirinliklari”, “G’ayrat chodak” “Devel Eco group” mas’uliyati cheklangan jamiyati   hamda “Bek Bags Busenes” oilaviy korxonasi rahbarlariga Oliy ta’lim, fan va innovatsiyalar vazirining faxriy yorliqlari topshirildi.

Forum yakunida viloyatdagi professional ta’lim muassasalari va ish beruvchilar bilan 200 dan ortiq hamkorlik va dual ta’limni tashkil etish bo‘yicha shartnomalar imzolandi.