Buxoro energetika, neft va gaz sanoati texnikumida Germaniyaning “Sparkassenstiftung” tashkiloti ishtirokida “Biznes va innovatsiya” mavzusiga bag‘ishlangan seminar bo‘lib o‘tdi.

Mazkur seminarda kasbiy ta’lim muassasalari direktorlarining ishtiroki ta’minlandi. Seminar doirasida Germaniyalik ekspert Sebastian Xled tomonidan texnikumlarda innovatsion g‘oyalarni shakllantirish, ularni amaliyotga joriy etish hamda ta’lim muassasalarida samarali boshqaruv tizimini yo‘lga qo‘yish masalalari yuzasidan amaliy tavsiyalar berildi.

Tadbir davomida ishtirokchilar “Biznes va innovatsiya” yo‘nalishida guruhli ishlash, muammolarni aniqlash, ularning yechimlarini topish, interaktiv metodlar — MuShCo ovoz berish, aqliy hujum, natijalarni umumlashtirish va innovatsion yondashuvlar orqali yangi g‘oyalar ishlab chiqish jarayonlarida faol qatnashdilar.

Mazkur seminar yoshlarning biznes va innovatsion tafakkurini rivojlantirish, kasbiy ta’lim tizimida xalqaro tajribani amaliyotga tatbiq etish yo‘lida muhim qadamlardan biri bo‘ldi.