Bugun Buxoro shahar politeknumining 40 sotixli hududida “Yashil makon” umummilliy loyihasi doirasida navbatdagi xayriya va obodonlashtirish tadbiri amalga oshirilmoqda. Tadbir davomida 150 dan ortiq manzarali daraxt ko‘chatlari — jumladan, chini gujum va yapon saporasi kabi noyob turlar ekilib, “Kasbiy ta’lim bog‘i” tashkil etildi.
Mazkur loyiha Buxoro viloyatida faoliyat yuritayotgan nodavlat texnikumlar hamkorligida amalga oshirilayotgani bilan ahamiyatlidir. Ko‘chat ekish jarayonida Buxoro viloyati oliy ta’lim, fan va innovatsiyalar boshqarmasi jamoasi, Buxoro shahar politeknumi jamoasi hamda nodavlat texnikum vakillari faol ishtirok etdilar
Ayni daqiqalarda hududda obodonlashtirish ishlari izchil davom etmoqda. “Kasbiy ta’lim bog‘i” nafaqat ekologik muhitni yaxshilashga, balki yoshlarda tabiatga e’tibor, mas’uliyat va milliy manfaatlar yo‘lida birdamlik ruhini mustahkamlashga xizmat qilishi kutilmoqda.
