Boshqarmaning vazifalari va funksiyalari – Buxoro viloyati oliy ta’lim, fan va innovatsiyalar boshqarmasi

[aioseo_breadcrumbs]

BOSHQARMANING VAZIFALARI

Vazirlikka yuklatilgan asosiy vazifalar va funksiyalarning hududlarda ijrosini ta’minlash;

Vazirlikning markaziy apparati boshqarma va bo‘limlarining vazifalarini Boshqarmaning tegishli bo‘lim va mutaxassislari tomonidan taalluqli vazifa sifatida ijrosini ta’minlash;

idoraviy mansubligidan kat’iy nazar professional ta’lim muassasalari faoliyatini muvofiqlashtirish, o‘quv-pedagogik va ilmiy-uslubiy rahbarlikni amalga oshirish, kadrlar tayyorlash sifati, ta’lim mazmuni va darajasini ta’lim va professional standartlar talablariga mosligini ta’minlash;

professional ta’lim muassasalarida o‘quv jarayonini tashkil etish ahvolini o‘rganadi, takomillashtirish va ilg‘or pedagogik texnologiyalarni joriy etishga uslubiy yordam ko‘rsatish;

professional ta’limning yo‘nalishlari, mutaxassisliklari va kasblari klassifikatorini ishlab chiqish va uni takomillashtirib borish bo‘yicha takliflar tayyorlash;

ta’lim standartlari, malaka talablari, o‘quv rejalarini ishlab chiqish va bosqichma-bosqich takomillashtirib borishda ish beruvchi korxonalar bilan hamkorlik ishlarini tashkil etish;

professional ta’lim muassasalari o‘quv-metodik ishlarini ularning idoraviy mansubligidan qat’iy nazar muvofiqlashtirish;

professional ta’lim tuzilmalari va bo‘limlari ishlarini o‘quv-metodik jihatdan muvofiqlashtirishda taklif va tavsiyalar tayyorlash;

o‘quv-me’yoriy hujjatlar bilan ta’minlanganligini tahlil qilish;

professional ta’lim muassasalarining darsliklar, o‘quv qo‘llanmalar, ilmiy-adabiyotlar, lug‘atlar, ensiklopediyalar va badiiy adabiyotlar bo‘lgan real ehtiyojini o‘rganadi va buyurtma berish;

kasb-hunar maktablari o‘quvchilarini umumta’lim fanlaridan darsliklar bilan ta’minlashni tashkil etish;

axborot-kutubxona markazlar ishlarini nazorat qilish hamda turli tanlovlar tashkil etish;

davlat namunasidagi hujjatlarni berilishini hamda ularni elektron bazalarga kiritilishini nazorat qiladi;

professional ta’lim muassasalari bitiruvchilari uchun diplom va diplom ilovalariga hamda sertifikat blankalariga Vazirlikka buyurtmalar berish;

professional ta’lim muassasalari bitiruvchilarga beriladigan diplom va diplom ilovalariga hamda sertifikat blankalariga individual QR-kod qo‘yish tizimi orqali to‘g‘ri to‘ldirilishi, tarqatilishini nazorat qilish;

o‘quvchilik guvohnomalari va o‘quv mashg‘uloti jurnallariga buyurtmalarni shakllantiradi va ta’lim muassasalariga yetkazilishini tashkil qiladi;

professional ta’lim muassasalarida qisqa muddatli kurslarni tashkil etish hamda qisqa muddatli kurslarning o‘quv dasturlarni ishlab chiqishni tashkil etish;

kasblar va mutaxassisliklar buyicha ta’lim dasturlarining bajarilishini nazorat qiladi, professional ta’lim muassasalariga ta’lim jarayonining tabakalashtirilgan dasturlari buyicha kadrlar tayyorlashda metodik raxbarlikni amalga oshiradi, ularning faoliyatini muvofiqlashtiradi;

idoraviy mansubligidan qat’iy nazar, boshlang‘ich professional, o‘rta professional va o‘rta maxsus profesional ta’lim muassasalari o‘quv- metodik ishlarini rivojlantirish;

professional ta’limini rivojlantirish buyicha kengashlar, simpoziumlar, seminarlar, o‘kuv-metodik konferensiyalar, tanlovlar va boshqa tadbirlarni tashkil etish;

o‘rta maxsus va professional ta’lim to‘g‘risidagi hujjatlarning dublikatini berishda ta’lim muassasalari tomonidan o‘z vaqtida kiritilishini nazorat qilish;

nodavlat ta’lim xizmatlari ko‘rsatish faoliyatini amalga oshiradigan yuridik shaxslarni qo‘llab-quvvatlash hamda professional ta’lim berishning muqobil shakllarini rivojlantirish;

iqtisodiyotning rivojlanish istiqbollari va ustuvor vazifalarini, zamonaviy texnika va texnologik tendensiyalarni hisobga olib, mehnat bozoridagi kadrlarga bo‘lgan real ehtiyoj, ish beruvchilarning takliflari hamda «Hayot davomida ta’lim olish» prinsipi asosida shaxslarning ta’lim olishiga ko‘maklashish;

professional ta’lim sohasida zamonaviy bilim va yuksak ma’naviy-ahloqiy fazilatlarga ega, mustaqil fikrlaydigan yuqori malakali kadrlar tayyorlashni tashkil etish;

professional ta’lim muassasalarini tadbirkorlik sub’ekti sifatida faoliyat olib borishiga tashkiliy va huquqiy yordam ko‘rsatish;

professional ta’lim muassasalari faoliyatini muvofiqlashtirish, o‘quv-pedagogik va ilmiy-uslubiy rahbarlikni amalga oshirish, kadrlar tayyorlash sifati, ta’lim mazmuni va darajasini ta’lim standartlari talablariga mosligini ta’minlash;

mehnat bozoridagi ehtiyojlar asosida kasbiy ta’lim muassasalarida kadrlar tayyorlash bo‘yicha buyurtmalar portfelini shakllantirish;

mehnat bozori ehtiyojlari, o‘quvchilarning qiziqishlari hamda ish beruvchilarning buyurtmalaridan kelib chiqib, professional ta’lim muassasalarida kadrlar tayyorlash bo‘yicha davlat buyurtmasi parametrlariga takliflarni shakllantirish;

professional ta’lim muassasalari o‘quvchilari amaliyotlarini ish beruvchi korxona, tashkilot va muassasalarda tashkil etishning kompleks chora-tadbirlarini amalga oshirish hamda bu borada ish beruvchilar bilan hamkorlikni rivojlantirish;

professional ta’limda ilg‘or pedagogika va axborot-kommunikatsiya texnologiyalari hamda o‘qitish uslublarini joriy etish hamda ta’lim jarayonini tashkil etishda ilg‘or xalqaro tajribalardan foydalanishni tashkil etish;

o‘quv-laboratoriya va ishlab chiqarish ustaxonalarini modernizatsiya qilish, zamonaviy asbob-uskunalar bilan jihozlash, sport-sog‘lomlashtirish va ijtimoiy infratuzilmani rivojlantirish bo‘yicha chora-tadbirlarni amalga oshirish;

professional ta’lim muassasalarida belgilangan tartibda ichki audit va moliyaviy nazoratni tashkil etish hamda amalga oshirish;

ilmiy faoliyatga oid hududiy dasturlarning amalga oshirilishi yuzasidan monitoring yuritish;

loyihalar (ishlanmalar)ni tashabbus qilish (yaratish) va amalga oshirishda ko‘maklashishi, ilmiy tashkilotlar hamda korxonalar tomonidan amalga oshirilayotgan loyiha (ishlanma) lar natijalarining hamda ilmiy-tadqiqot va tajriba-konstruktorlik ishlarining tegishli tarmoqlarga joriy etilishini muvofiqlashtirish;

hududlardagi ilm-fan va innovatsion faoliyatni amalga oshiruvchi tashkilotlar, shuningdek, Qoraqalpog‘iston Respublikasi Vazirlar Kengashi va viloyatlar hokimliklari huzuridagi Innovatsion faoliyat va texnologiyalar transferi markazlari faoliyatini muvofiqlashtirish;

viloyatda innovatsion infratuzilmalar (innovatsion markazlar, transfer markazlari, innovatsion tadbirkorlik sub’ektlari, biznes akselerator, biznes-inkubatorlar, texnoparklar va boshqalar) ni tashkil etish va faoliyatini yuritishga ko‘maklashish;

viloyat iqtisodiyoti muammolari yechimiga qaratilgan fundamental, ilmiy-amaliy va innovatsion loyihalar mavzularini shakllantirish asosida hududlar ilmiy salohiyatini takomillashtirish dasturlarini ishlab chiqish va ular asosida mavzularni tanlovlarga taqdim etish;

hududdagi xo‘jalik birlashmalari hamda ustav fondida davlat ulushi 50 foiz va undan yuqori bo‘lgan yirik korxonalar rahbarlarining innovatsiyalarni joriy etishga mas’ul o‘rinbosarlari hamda innovatsion markazlari faoliyatini muvofiqlashtirish;

innovatsion g‘oyalar va ishlanmalarning ko‘rgazma va yarmarkalarini tashkil qilish, ilmiy-amaliy seminarlar va anjumanlar, shuningdek hudud iqtisodiyotidagi dolzarb mavzularda qisqa o‘quv kurslarini tashkil qilish;

hududning innovatsion raqobatbardoshligini oshirishga yo‘naltirilgan tadbirlarni amalga oshirish, shu jumladan, import o‘rnini bosuvchi va eksportga yo‘naltirilgan mahsulotlar ishlab chiqarishga ilg‘or zamonaviy texnologiyalarni joriy qilishga yo‘naltirilgan samarali tadbirlar belgilash va amalga oshirish;

viloyatni innovatsion rivojlanishi masalalarida qonunchilikda belgilangan vazifalarni bajarishda davlat organlari va boshqa tashkilotlar bilan hamkorlik qilish;

hudud iqtisodiyotining ustuvor yo‘nalishlarida, shu jumladan qishloq xo‘jaligi, ta’lim, sog‘liqni saqlash va sanoatda innovatsiyalar va zamonaviy texnologiyalardan keng foydalanishni yo‘lga qo‘yish;

hududdagi erkin iqtisodiy va kichik sanoat zonalari faoliyati samaradorligini oshirishda innovatsion ishlanmalar va texnologiyalarni joriy etish;

hududning innovatsion faoliyati bilan bog‘liq bo‘lgan normativ-huquqiy va boshqa hujjatlar loyihalarining hududni innovatsion rivojlantirishdagi o‘rni va ta’sirchanligini baholash;

hudud ijtimoiy-iqtisodiy salohiyatining barqaror rivojlanishi uchun zarur shart-sharoitlar sifatida innovatsion infratuzilmasini shakllantirish tadbirlarini belgilash;

viloyatda ilmiy-texnik va innovatsion siyosatning ustuvor yo‘nalishlarini belgilash hamda respublika va mahalliy byudjet mablag‘lari hisobiga fundamental, amaliy va innovatsion tadqiqotlarning ilmiy-texnikaviy dasturlarini viloyat hokimligi tomonidan tasdiqlashni tashkil qilish;

innovatsion g‘oyalar, ishlanmalar va texnologiyalarni joriy etish bo‘yicha oliy ta’lim muassasalari, ilmiy tadqiqot muassasalari o‘rtasidagi hamkorlikni rivojlantirish hamda normativ-huquqiy bazani takomillashtirishda ishtirok etish;

joylarda test sinovlarini belgilangan tartib asosida sifatli tashkil etish va o‘tkazish hamda uning ochiqligi va shaffofligini ta’minlash;

ta’lim faoliyatining sifatini oshirishda ta’lim muassasalariga ko‘mak berish va nazorat qilish;

ta’lim muassasalarini attestatsiyadan o‘tkazishda vakolatli organlar va tashkilotlarning hamkorligini tashkil qilish;

oliy ta’lim muassasalarining ta’lim sifatini nazorat qilish bo‘yicha bo‘limlari o‘tkazadigan ichki attestatsiya jarayonini hamda sohadagi kadrlar malakasini oshirish va qayta tayyorlash bo‘yicha ta’lim muassasalarini attestatsiyadan o‘tkazish masalalarini muvofiqlashtirish;

hududda uzluksiz ta’lim tizimida ta’lim sifatini va kadrlar tayyorlash sifati nazorati bo‘yicha monitoring yuritish;

aholi orasida xorijiy tillarni o‘rganishni ommalashtirish va ularni mukammal o‘zlashtirish uchun zarur sharoitlar yaratish, xorijiy tillarni o‘qitishning xalqaro tan olingan dastur va darsliklari ta’limning barcha bosqichlarida joriy etilishini muvofiqlashtirish hamda o‘qituvchilarda zamonaviy o‘qitish ko‘nikmalarini rivojlantirish;

hududda tarmoqlar va ta’lim muassasalarining xorijiy tillarni o‘zlashtirgan mutaxassislarga ehtiyojlarini tahlil qilish natijalari asosida talab yuqori bo‘lgan xorijiy tillarni o‘qitishni tashkillashtirish;

davlat organlari va tashkilotlari, mahalliy ijro etuvchi hokimiyat organlari va davlat ta’lim muassasalarining xorijiy tillarni o‘qitishni ommalashtirish borasidagi faoliyatini muvofiqlashtirish;

xorijiy va mahalliy hamkorlar bilan aloqalar o‘rnatib, ularning moliyaviy, tashkiliy va uslubiy ko‘magini mamlakatda xorijiy tillarni o‘rganishni ommalashtirishga jalb qilishni tashkil etish;

hududda mahalliy hokimiyat organlari va idoralar bilan birgalikda davlat xizmatchilarining kasbiy faoliyatini xorijiy tillarda amalga oshirish imkoniyatini beruvchi uslubiyotlarni ishlab chiqib, amaliyotga joriy etish;

hududda talab yuqori bo‘lgan kamida o‘nta xorijiy tillarni o‘rganishni ommalashtirish bo‘yicha kompleks chora-tadbirlarni belgilash;

hududda xorijiy tillar o‘qituvchilari uchun malaka talablari va baholash mezonlarini ishlab chiqish hamda ularga malaka toifasini berish jarayonini ochiqlik tamoyili asosida tashkil etish.

BOSHQARMANING FUNKSIYALARI

Boshqarma va uning rahbariyati faoliyatini tashkiliy va axborot-tahliliy jihatdan ta’minlaydi;

professional ta’lim muassasalari tomonidan respublika qonunchiligi hujjatlari, Vazirlikning buyruqlari bajarilishi muntazam nazorat qilinishini ta’minlaydi;

professional ta’lim muassasalari tomonidan kiritiladigan hujjatlarning sifatli va o‘z vaqtida qayta ishlanishini, ularning iqtisodiy, moliyaviy va huquqiy ekspertizadan o‘tkazilishini tashkil etadi;

professional ta’lim muassasalarida o‘quv jarayonini tashkil etish ahvolini o‘rganadi, takomillashtirish va ilg‘or pedagogik texnologiyalarni joriy etishga uslubiy yordam ko‘rsatadi;

professional ta’limning yo‘nalishlari, mutaxassisliklari va kasblari klassifikatorini ishlab chiqish va uni takomillashtirib borish bo‘yicha takliflar tayyorlaydi;

ta’lim standartlari, malaka talablari, o‘quv rejalarini ishlab chiqish va bosqichma-bosqich takomillashtirib borishda ish beruvchi korxonalar bilan hamkorlik ishlarini tashkil etadi;

professional ta’lim muassasalari o‘quv-metodik ishlarini ularning idoraviy mansubligidan qat’iy nazar muvofiqlashtiradi;

professional ta’lim tuzilmalari va bo‘limlari ishlarini o‘quv-metodik jihatdan muvofiqlashtirishda taklif va tavsiyalar tayyorlaydi;

o‘quv-me’yoriy hujjatlar bilan ta’minlanganligini tahlil qiladi;

kasb-hunar maktablari o‘quvchilarini umumta’lim fanlaridan darsliklar bilan ta’minlashni tashkil etadi;

axborot-kutubxona markazlar ishlarini nazorat qiladi hamda turli tanlovlar tashkil etadi;

davlat namunasidagi hujjatlarni berilishini hamda ularni elektron bazalarga kiritilishini nazorat qiladi;

professional ta’lim muassasalari bitiruvchilari uchun diplom va diplom ilovalariga hamda sertifikat blankalariga Vazirlikka buyurtmalar beradi;

o‘quvchilik guvohnomalari va o‘quv mashg‘uloti jurnallariga buyurtmalarni shakllantiradi va ta’lim muassasalariga yetkazilishini tashkil qiladi;

professional ta’lim muassasalarida qisqa muddatli kurslarni tashkil etish hamda qisqa muddatli kurslarning o‘quv dasturlarni ishlab chiqishni tashkil etadi;

idoraviy mansubligidan qat’iy nazar, boshlang‘ich professional, o‘rta professional va o‘rta maxsus profesional ta’lim muassasalari o‘quv- metodik ishlarini rivojlantiradi;

professional ta’limini rivojlantirish buyicha kengashlar, simpoziumlar, seminarlar, o‘kuv-metodik konferensiyalar, tanlovlar va boshqa tadbirlarni tashkil etish;

o‘rta maxsus va professional ta’lim to‘g‘risidagi hujjatlarning dublikatini berishda ta’lim muassasalari tomonidan o‘z vaqtida kiritilishini nazorat qiladi;

nodavlat ta’lim xizmatlari ko‘rsatish faoliyatini amalga oshiradigan yuridik shaxslarni qo‘llab-quvvatlaydi hamda professional ta’lim muassasalarida ta’lim berishning muqobil shakllarini rivojlantiradi;

professional ta’lim muassasalarida davlat ta’lim standartini va mutaxassisliklar (kasblar) ta’lim standartlarini bajarish monitoringini tashkil etadi;

jismoniy va yuridik shaxslarning murojaatlari bilan ishlashni tashkil etadi;

professional ta’lim muassasalari tomonidan qonunchilik hujjatlari, me’yoriy hujjatlar vazirining buyruqlari va boshqa yo‘riqnomalarining bajarilishini muntazam nazorat kilinishini ta’minlaydi;

zamonaviy axborot-kommunixatsiya texnologiyalarini joriy etish orqali o‘quvchilar va o‘qituvchilarning jaxon ta’lim resurslari, adabiyotlarning elektron kataloglari va ma’lumotlar bazasidan foydalanish imkoniyatlarini kengaytiradi;

professional ta’limni rivojlantirish va muvofiqlashtirish borasida professional ta’lim muassasalari direktorlari kengashlari va oliy ta’lim muassasalari bilan hamkorlikni yo‘lga qo‘yadi;

davlat va nodavlat professional ta’lim muassasalarini qonun hujjatlarida belgilangan tartibda litsenziyalash, attestatsiya va akkreditatsiya qilish ishlarida o‘z vakolati doirasida ishtirok etadi;

qonun hujjatlariga muvofiq professional ta’lim muassasalarining rahbar va pedagog kadrlari malakasini oshirish va qayta tayyorlash ishlarini rejalashtiradi, tashkil etadi hamda pedagog kadrlari attestatsiyasida ishtirok etadi;

vakolati doirasida tegishli tashkiliy, kadrlar, moliyaviy, ishlab chiqarish-xo‘jalik va boshqa masalalar bo‘yicha qarorlar qabul qiladi;

viloyat iqtisodiyotining tarmoqlarini o‘rta va uzoq muddatli rivojlantirish dasturlarini innovatsion rivojlanish tadbirlari va ularni amalga oshirish mexanizmlarini inobatga olgan holda shakllantirishga ko‘maklashadi;

hudud iqtisodiyotining ustuvor sohalarini rivojlantirishga amaliy innovatsion tadbirlarni joriy qilish orqali sohaning raqobatbardoshligini oshirishga ko‘maklashadi;

hududdagi ilmiy salohiyat asosida iqtisodiyotni jadal rivojlantirishga qaratilgan ilmiy tadqiqotlar o‘tkazishni tashkil etadi;

ijtimoiy sohani jadal rivojlantirishga va uning yo‘nalishlari va tuzilmasini tubdan takomillashtirishga innovatsion ishlanmalar va texnologiyalarni joriy etishni yo‘lga qo‘yish hisobiga uning yalpi hududiy mahsulotdagi ulushini oshirishga ko‘maklashadi;

korxonalarni mahalliy xom ashyoni qayta ishlash asosida tayyor mahsulot ishlab chiqarishda innovatsion texnologiyalar asosida modernizatsiya qilish, korxonalarda ilmiy markazlar faoliyatini tashkil etish bo‘yicha takliflar ishlab chiqadi;

mavjud yer, suv va boshqa tabiiy resurslardan oqilona foydalanish imkonini beruvchi «Aqlli qishloq xo‘jaligi» konsepsiyasiga asoslangan qishloq xo‘jaligi ishlab chiqarishining zamonaviy sinalgan shakllarini joriy etish takliflarini ishlab chiqadi;

ta’lim muassasalari attestatsiyasini sifatli va samarali o‘tkazilishini muvofiqlashtirish va nazorat qilish;

uzluksiz ta’lim tizimi ta’lim muassasalarining tarbiyalanuvchi, o‘quvchi, talaba va tinglovchilarining O‘zbekiston Respublikasi davlat ta’lim standartlari va davlat talablariga muvofiqligini o‘rganishni tashkil etishda ishtirok etish va nazorat qilish;

ta’lim muassasalarining attestatsiyasiga jalb qilinadigan ekspertlar nomzodlari bo‘yicha takliflar kiritish;

hududlardagi maktabgacha va umumta’lim muassasalari attestatsiyasi va akkreditatsiyasi bo‘yicha takliflarni vazirlikka taqdim etish;

hududdagi ta’lim muassasalarida ta’lim va kadrlar tayyorlash sifatini o‘rganish maqsadida sotsiologik so‘rovnomalarni o‘tkazish;

hududda nodavlat ta’lim muassasalarini ta’sis etish istagidagi tadbirkorlarga har tomonlama metodik ko‘mak ko‘rsatish;

fuqarolarga nostrifikatsiya va apostil masalalari bo‘yicha maslahatlar berish va metodik yordam ko‘rsatish.

ta’lim muassasalariga o‘qishga qabul qilish bo‘yicha test sinovi orqali tanlab olish tartiblarini ishlab chiqishda ishtirok etish;

bino va inshootlarni test sinovlarini o‘tkazish uchun jihozlash borasida qo‘yiladigan talablarni ishlab chiqishda ishtirok etish;

test sinovi ishtirokchilari uchun test sinovini o‘tkazish tartibi bo‘yicha amaliy seminarlar tashkil qilish;

test topshiruvchilar uchun test sinovi tartibi bo‘yicha ko‘rsatmalar ishlab chiqishda ishtirok etish;

test sinovlarining belgilangan tartib va qoidalar asosida tashkil etilishi va o‘tkazilishini ta’minlash;

test sinovlarini tashkil etish va o‘tkazish bo‘yicha o‘quv-metodik qo‘llanmalarni ishlab chiqishda ishtirok etish;

test sinovlari nazoratini amalga oshiruvchi mas’ul shaxslarning bilim, ko‘nikma va malakasini shakllantiruvchi amaliy seminarlar tashkil qilish.

hududda xorijiy tillarni o‘qitish sohasida «bog‘cha-maktab-oliy ta’lim tashkiloti-korxona» tamoyilidagi uzluksiz ta’lim zanjirini joriy etish maqsadida aholining barcha qatlamlariga mos bo‘lgan tilni o‘rganish bo‘yicha uslubiyot va tavsiyalarni ishlab chiqishni muvofiqlashtirish;

xorijiy tillarni puxta o‘zlashtirish, tilning asosiy ko‘nikmalarini shakllantirish uchun videorolik, o‘yin, ko‘ngilochar ko‘rsatuv, filmlar va boshqa o‘rgatuvchi kontent yaratilishini tashkil etish;

davlat tilidan xorijiy tillarga va xorijiy tillardan davlat tiliga professional tarjima qilish uslubiyotlarini yaratish hamda ushbu yo‘nalishda mutaxassislarning malakasini oshirishda ko‘maklashish;

hududda tarmoqlar, davlat organlari va ta’lim tashkilotlari kesimida xorijiy tillarni bilish reytingini yuritish, xorijiy tillarni o‘rganishni yanada ommalashtirish bo‘yicha takliflar ishlab chiqish;

Boshqarma qonun hujjatlariga muvofiq boshqa funksiyalarni ham amalga oshirishi mumkin.