1-aprel kuni Oliy taʼlim, fan va innovatsiyalar vaziri Qoʻngʻirotboy Sharipov rahbarligida davlat rahbari tomonidan belgilab berilgan sohada amalga oshirilishi lozim boʻlgan ustuvor vazifalar ijrosi va professional taʼlim muassasalari faoliyatini kompleks oʻrganish yakunlariga bagʻishlangan tanqidiy yigʻilish oʻtkazildi.

Asosiy maqsadimiz, yoshlarimizni kasb-hunarli qilish va taʼlim sifatini yangi bosqichga koʻtarish – vazir

Unda vazirlik markaziy apparati masʼullari, tizim tashkilotlari hamda professional taʼlim muassasalari rahbarlari qatnashdi.

Yigʻilishda professional taʼlim sohasini rivojlantirishga berilayotgan alohida eʼtiborga qaramay, koʻpchilik taʼlim muassasalari direktorlari va hududiy boshqarmalar xodimlari oʻz lavozim vazifalariga sustkashlik bilan yondashayotgani qayd etildi.

Koʻp yillar davomida rahbar lavozimda faoliyat yuritayotgan ayrim direktor va direktor oʻrinbosarlari oʻz ustida ishlamay qoʻygani, tizimni rivojlantirish, yangi gʻoyalar olib kirish, taʼlim sifatini taʼminlash borasida jonbozlik va tashabbus koʻrsatmayotgani tanqid qilindi.

Batafsil: https://gov.uz/edu/news/view/8671/